Dramatik ka qenë takimi mes Kroacisë dhe Danimarkës në Botërorin e Rusisë, por në fund janë ballkanasit që festojnë dhe presin biletën për në cerekfinale. Një ndeshje që u vendos që në minutën e katër, pasi dy golat u shënuan që në start e më pas u luajtën 120 minuta për të vendosur penalltitë. Modric kishte në dorë kualifikimin në minutën e 110’, por gabon nga pika e bardhë e penalltisë, ku Schmeichel bën heroin.
Ndeshja fillon me gol, janë danezët që në minutën e parë surprizojnë duke shënuar një gol me Jorgensen.
Por nuk zgjat më shumë se tre minuta dhe në anën tjetër është Madzukic që shfrytëzon mjaft mirë një gabim në mbrojtje dhe e dërgon topin në rrjetë.
Kroacia hidhet sërish në sulm dhe kërkon golin e avantazhit, por e ka mjaft të vështirë të depërtojë në mbrojtjen daneze. Edhe pjesa e dytë është në të njëjtin ritëm, me kroatët që krijojnë më shumë raste por pa arritur të shënojnë. Në shtesë Danimarka fiton terren, pasi ishin më të freskët dhe nuk kishin vrapuar shumë, por janë kroatët që krijojnë një shans të artë për të mbyllur ndeshjen.
Një kundërsulm i kroatëve ku Modric nxjerr Rebic vetëm për vetëm me portierin por pasi driblon portierin, Jorgensen i ndërhyn nga mbrapa duke shkaktuar penallti.
Por Schmeichel pret mrekullisht penalltinë dhe mban në lojë ekipin e tij. në 10 minutat e fundit të ndeshjes ishte Kroacia që provoi, edhe pas humbjes së penalltisë, por danezët u mbrojtën mirë dhe me pak fat shkuan te penalltitë.
Në fund, pas shumë penalltive të humbura, ishte Rakitic i Barcelona-s ai që i dha fitoren ekipit të tij duke kaluar në çerekfinale.
