“Në Shënjestër” trajtoi këtë të martë në emision detaje nga dosja hetimore 189, për zgjedhjet e pjesshme vendore në Dibër, ku në rezultatin e thellë të PS u angazhuan dhe struktura të policisë sic ishte rasti i shefit të Komisariatit të Policisë Dibër, Robert Aga.
“Ça keni bo mo se e keni myt fare?! Roberti i përgjigjet: ‘Duhet të kem 1000, poshtë njëmijëshit nuk e pranoj’. Gjatë bisedës Roberti e pyet Bekimin: ‘A e ke Damian Gjiknurin aty ?’ Bekimi i thotë: ‘Do t’ia jap telefonin t’i folësh ?’
Pas pak në bisedë ndërhyn Damian Gjiknuri i cili i thotë: ‘O shef, o Berto?’ Berti i thotë: ‘Se s’pate besim te unë’. Damiani ia kthen: ‘Tërmet, tërmet. Ti ishe bob.Thoshe ti…. hahaha i madh. Hajt çao. Ik mos fol shumë po hajt çao’”, thuhet në dosjen hetimore.
Për tërmetin që kishte shkaktuar në Dibër, shefi i komisariatit të policisë, Robert Aga që ishte investuar edhe të ndalonte furgonët me militantë të Partisë Demokratike, duhet të kishte një shpërblim të merituar sipas gradës që i takonte. Madje tani shumë më lart se aty ku ishte.
Siç është edhe biseda dy ditë më pas me deputetin Xhemal Qefalia, i cili i thotë se është me kryeministrin dhe të hapë gojën se ku dëshiron të shkojë si shef.
“Ej jam me një tavolinë kshu, ku ke qef me shku ti në Bulqizë…? Roberti përgjigjet: ‘Po…’.
Xhemali përgjigjet: ‘Jemi këtu me kryeministrin dhe ministrin…’.
Aq shumë është rritur vlerësimi për Robert Agën si kryekomisar i devotshëm, sa telefoni i tij parakalon në paradën e të gjithë deputetëve socialistëve.
Kush e kush ta lavdërojë më shumë për atë që ka bërë në Dibër. Një ndër ata që shprehen të ngazëllyer për punën e sojme që ka bërë shefi i policisë Dibër, është edhe deputeti Ulsi Manja.
Më datë 13 Shtator 2016, Shefi i Komisariatit të Policisë Dibër, Robert Aga, bisedon nga telefoni i deputetit Xhemal Qefalia me deputetin tjetër socialist Ulsi Manja.
Ulsiu që nga ana e tij i thotë Robertit që është me kryeministrin. Ulsiu i thotë: ‘Tani a do më ngjosh mu, bisedo me Xhemalin se kët e kam si shefin e Komisionit të Sigurisë, ne bëjmë llaf të vish për ma nalt, na duhesh për naj gjë ma të madhe se mu m’duken xhëna të vogla ato o miku im…’.
Më 14 Shtator Robert Aga bisedon me Xhemal Qefalian. Roberti i thotë ‘Ju pata thënë unë, ma blini kartonin si Messi që ia mban Barcelona dhe të fitoni…’
