Kryeministrja e Serbisë, Ana Brnabiç, së shpejti me partneren e saj do të bëhen prindër. Për 43-vjeçaren është folur shumë për orientimin e saj seksual. Ajo bashkëjeton me partneren e saj, mjeken Milica Djuriç, e cila është disa vite më e re se kryeministrja e Serbisë.
Gazeta serbe “Gloria” raporton se Milica ka ngelur shtatzënë nëpërmjet fekondimit artificial, dhe kjo është arsyeja pse prej disa muajsh tashmë ajo nuk është parë në publik përkrah partneres Ana Brnabiç. Pavarësisht këtyre zërave, ende nuk ka një konfirmim nga vetë kryeministrja serbe.
