Kryeministri i Spanjës, Mariano Rajoy ka paralajmëruar se asnjë deklaratë e pavarësisë nga Katalonja nuk do të ketë efekt, duke shtuar se nuk përjashton pezullimin e autonomisë së rajonit.
Këtë deklaratë, kryeministri spanjoll e bëri gjatë një interviste për gazetën “El Pais”.
Rajoy hodhi poshtë çdo ndërmjetësim për të zgjidhur krizën, i bindur në mospranimin e pavarësisë së Katalonjës.
“Qeveria do të sigurojë që çdo deklaratë e pavarësisë do të çojë në asgjë,” tha kryeministri.
I pyetur nëse ai ishte i gatshëm të zbatojë nenin 155 të Kushtetutës spanjolle, e cila lejon parlamentin kombëtar të ndërhyjë në drejtimin e një rajoni autonom, Rajoy tha: “Unë nuk përjashtoj absolutisht asgjë që është brenda ligjit”, duke shtuar se planifikonte të mbante policinë ekstra të vendosur në Katalonja përpara referendumit deri në përfundimin e krizës.
Rajoy deklaroi më tej se nuk do të thërrasë zgjedhje të parakohshme kombëtare për shkak të krizës politike në rritje.
Rezultatet e referendumit treguan se 90% të 2.3 milionë njerëzve votuan për pavarësinë e Katalonjës, ndërsa pjesëmarrja në votim ishte 43% pavarësisht dhunës së ushtruar nga policia spanjolle.
