Kryeministri sllovak, Robert Fico bëri sot një deklaratë të fortë. Fico tha se Ballkani po fillon sërish të digjet. Kryeministri sllovak e sheh si shumë të nevojshme perspektivën evropiane të Ballkanit. Përndryshe, Fico paralajmëron se do të fillojë të rritet nervozizmi në rajon. Integrimi i vendeve të Ballkanit po kërkohet edhe nga kryeministrat e këtyre vendeve. Jo më larg se mbrëmë Federica Mogherini zhvilloj një darkë më kryeministrat e Ballkanit. Disa jave më parë Rama në Bruksel paralajmëroi se në qoftë se nuk hapen negociatat për Shqipërinë ai do të shkojë më Rusinë.
Në një lajm të b92.net të përshtatur nga Tirana Today shkruhet se kryeministri sllovak, Robert Fico thotë se është e rëndësishme që të ofrohet një perspektivë evropiane “për disa vende në Ballkan”. Deklarata e kryeministrit Ficou bë pas takimit të tij me sekretarin e Përgjithshëm të OKB-së, Antonio Guterres.
Kryeministri sllovak deklaroi se Ballkani ka filluar të digjet sërish. Ai beson se një perspektivë evropiane është e nevojshme, përndryshe do të fillojë të rritet nervozizmi në rajon.
Fico dhe Guterres diskutuan një projekt sllovak që synon kufizimin e fluksit të emigrantëve, projekti sllovak është krijuar në bashkëpunim me disa vende të tjera.
“Ne duhet të vazhdojmë projektet jashtë BE-së dhe të lëvizim çështjen e emigrimit në këto vende të treta. Sllovakia është e gatshme të mbështesë projekte të përgjegjshme brenda OKB-së,” tha Fico.
Gjithashtu, Fico tha se është shumë e rëndësishme që Kombet e Bashkuara të jenë një organizate e fortë sepse BE-ja nuk është mjaftueshëm e fortë për t’u angazhuar më shumë se e ka mundësinë në disa çështje”.
“BE-ja në thelb nuk është e pranishme në Ukrainë dhe ne nuk kemi asnjë ndikim mbi situatën në Siri”, tha Fico, duke theksuar rëndësinë e organizatave të fuqishme ndërkombëtare si është OKB-ja në konfliktet e këtij lloji. TIRANA TODAY
