Gazetari, Genc Burimi, i ftuar në një emision televiziv, theksoi se kryeministri Edi Rama nuk mund të ndërmarrë asnjëherë politika për prodhimin vendas.
Sipas Burimit, dy shtyllat që e mbajnë të fortë sot Ramën, janë pastrimi i parave dhe bizneset prej të cilave Shqipëria importon mallrat.
“Mungesa e programit të Ramës. Nga Roma sapo e the është reportazhi i RAI, Shqipëria si një vend që ciklon paranë e pisët. Nga Parisi këtë javë ke dy reportazhe nga AFP si në Elbasan metalurgjiku është bërë një kancer jo vetëm në zemër të Shqipërisë por të gjithë Evropës. Një tjetër reportazh është marrëveshja e Ramës me Melonin, që qendra e Gjadrit kthehet nga qendra pritjeje të kërkuesve për azil në qendra pritjeje që t’i marrë Shqipëria dhe që të presin një ditë t’i marri vendi i origjinës që si merr asnjëherë, pra çfarë bëhet këtu, ata thonë që të pastrojmë qytetet tona nga klandestinët dhe t’i marrë në fund Shqipëria. Rama sot mbahet nga dy shtylla nga pastrimi i parave në hetim si dhe mbahet nga ato biznese që Shqipëria importon mallra. Kështu që Rama nëse sot ndjek rrugën e prodhimit vendas si Trumpi ai do të humbasë mbështetjen e këtyre bizneseve korruptive.” tha Burimi.
