Ditë të mira po vijnë për “Ballist Morinën”. Ai qëndroi në burgun e Zagrebit prej datës 10 qershor të vitit 2017, kur policia kroate në fillim zbatoi një kërkesë të shtetit serb, i cili kishte nxjerrë një urdhërarresti ndërkombëtar për ndalimin e “Ballist” Morinës, por pas disa seancash gjyqësore drejtësia kroate rezistoi, duke mos plotësuar kërkesën e drejtësisë serbe për gjykimin e Ismail Morinës në Beograd.
Ismail Morina u bë protagonist mbrëmjen e 14 tetorit të vitit 2014-të, me hedhjen e dronit mbi stadiumin e Partizanit të Beogradit, veprim që solli ndërprerjen e ndeshjes mes Serbisë dhe Shqipërisë, ka arritur ti shpëtojë ekatradimit në Serbi, ku akuzohet për nxitje urrejtje mes popujve. Sipas Top Chanell Ismail Morina është transferuar ditën e djeshme drejt një burgu në Itali, ku do të vazhdojë gjykimin për të fituar lirinë.
Edhe pse jo zyrtarisht, kjo me sa duket është zgjidhja që avokati i tij kroat ka mundur të gjejë, duke hedhur poshtë kërkesën për azil në Kroaci, që ishte opsioni i parë për të shpëtuar nga ekstradimi në Serbi.Italia është vendi ku Ismail Morina është rezident prej shumë vitesh, së bashku me familjen e tij, në mënyrë të ligjshme, duke qenë se edhe bashkëshortja e tij është italiane. Me trasferimin e tij në Itali, duket se edhe lirimi përfundimtar për të është shumë pranë.
