Socialdemokrati Zoran Zaev hyri brenda në Parlament dhe qëndroi 20 minuta. Ai nuk shkoi për t’iu bashkuar deputetëve në seancën parlamentare, por, hyri nga dera, të cilën Kuvendi ua ka lënë gazetarëve.
Ai ka gjasa që të ketë shkuar për një takim eventual me liderin tjetër, Nikola Gruevski, njofton TV21, pasi ky i fundit gjendej po ashtu në Kuvend.
Lideri i VMRO-DPMNE-së nuk u shfaq para mediave, por, kamerat e filmuan atë pak minuta pasi nga Kuvendi u largua Zoran Zaev.
Doli siç edhe hyri, nga dera kryesore e Kuvendit. Makina e priti dhe e mori. Po ashtu, edhe makina e Gruevskit, ndoqi rrugën kah shkoi Zaev.
