Uashingtoni ka reaguar sërish lidhur me krizën politike në Maqedoni, duke i bërë apel kësaj të fundit që të formojë sa më shpejt qeverinë e re.
“Departamenti Amerikan i Shtetit shpreh qartë qëndrimin se politikanët të cilët bllokojnë formimin e qeverisë së re dhe zgjedhjen e kryetarit të Parlamentit mund të ndëshkohen me sanksione individuale. Është ky apel që duhet t’i vërë në lëvizje politikanët vendorë”, ka thënë ish-ambasadori maqedonas në NATO, Ruzhin.
Sipas analistëve vendas, reagimi dhe apeli i Departamentit të Shtetit mbi krizën politike, jep shpresë se gjërat do të lëvizin drejt zhbllokimit të ngërçit politik.
