Policët po shqyrtojnë një pako të dyshimtë që ka mbërritur në adresë të aktorit të famshëm, Robert De Niro. Pakoja u dërgua në ndërtesën ku ndodhet restoranti dhe disa zyra që zotëron aktorit, në Manhatam.
CNN shkruan se pakoja ka shenja të ngjashme me pakot e bombave me tuba, të dërguara së fundmi me postë tek demokratët kryesorë në Amerikë.
Adresa në pako përmban të dhënat e Tribeca Enterprises, kompania e filmit dhe televizionit të De Niros.
Aktori është një kritik i presidentit Donald Trump. Policia u njoftua në mëngjes, ndërsa pakoja u gjet në katin e shtatë të ndërtesës. Pakoja e dërguar në adresë të De Niros kishte gjashtë pulla të flamurit amerikan në dy rreshta.
Në qershor, De Niro kritikoi publikisht Trump, gjatë eventit “Tony Awards”.
“Fillimisht dua të them f**k Trump”, tha De Niro. Trump iu përgjigj ofendimit, me disa postime në twitter ku e quajti aktorin “një njeri me inteligjencë të ulët”.
