Drejtuesi i Prokurorisë së Posaçme, Altin Dumani tha sot në konferencën për shtyp të Komisionerit Publik dhe KPK-së se procesi i vetting-ut dhe rezultati i tij janë të ndara nga procedura penale. Dumani tha se vettingu përbën ngarkesë të madhe për gjyqtarët dhe prokurorët. Ai shtoi se kjo sfidë bëhet më e ndjeshme, me punën e tyre të përditshme.
“Drejtuesi i Prokurorisë së Posaçme do të ketë angazhim të madh në përfaqësimin e këtyre çështjeve. Procesi i vettingut dhe rezultati i saj është i ndarë nga procedura penale. Procesi i vetingut, përbën ngarkesë të madhe për gjyqtarët dhe prokurorët. Kjo sfidë bëhet më e ndjeshme, me punën e tyre të përditshme”, tha ndër të tjera Dumani.
