Punonjësve të Policisë së Kosovës u janë ndërprerë pushimet, ndërsa orari i punës u është bërë 12-orësh.
Këto masa vijnë si pasojë e dyshimit për rrezik të cenimit të sigurisë në vend, duke bërë që autoritetet më të larta të mobilizohen.
Misioni Ushtarak i Kombeve të Bashkuara (KFOR), Misioni Evropian për Sundimin e Ligjit në Kosovë (EULEX) dhe Forcat e Sigurisë së Kosovës (FSK), kanë kryer ushtrime për përballimin e trazirave.
Ndërkohë, ditën e djeshme, kryeministri Isa Mustafa ka mbledhur Këshillin e Sigurisë së Kosovës, shkruan gazeta Koha.
Institucionet nuk kanë dhënë arsye për këtë mobizilim, ndërsa dyshohet se masat janë ndërmarrë si shkak i rrezikut për sulme të ndryshme terroriste, si dhe për shkak të krizave politike në Kosovë, Shqipëri e Maqedoni.
