Apeli i GJKKO ka lënë në burg Shehun, inxhinierin e kompanisë së Vladimir Topit që u arrestuan nën dyshimet se korruptuan Sekretaren e Përgjithshme të Ministrisë së Shëndetësisë, Joana Duro.
Kujtojmë se kjo e fundit ndodhet në burg për abuzim me tenderat së bashku me specialisten e Lartë e Shërbimeve Publike, Laureta Shteto.
Kujtojmë se katër arrestime u kryen pasi SPAK kishte në përgjim një numër personash lidhur me një çështje tjetër në Ministrinë e Shëndetësisë. Por gjatë përgjimeve, u evidentua një telefonatë ku Vladimir Topi flet me Laura Shteton të cilës i thotë “do ti sjellë Silvi direkt”.
Më pas, biznesmeni flet me inxhinierin e kompanisë së tij Silvi Shehu të cilit i kërkon që ti dorëzojë 330 mijë lekë Laura Shtetos, specialiste në ministrinë e Shëndetësisë.
Oficerët e BKH u ngarkuan për ta ndjekur situatën me vëzhgime ambientale dhe përgjime ku ka rezultuar se Silvi Shehu është takuar tek rruga e Kavajës me Laura Shteton.
Kjo e fundit ka marrë prej tij një zarf me të cilin ka hyrë në Ministrinë e Shëndetësisë dhe ka shkuar në zyrën e sekretares së përgjithshme Joana Duro.
Në këtë moment, oficerët e BKH kanë ndërhyrë duke vënë në pranga dy zytraret dhe sekuestruan edhe shumën prej 330 mijë lekësh.
