Koreja e Veriut vazhdon të kryejë teste bërthamore. Sot është regjistruar testi i gjashtë bërthamor, i cili ka shkaktuar dy tërmete artificiale, njëri prej të cilëve me magnitudë 6.3 ballë.
Tërmetet u shënuan pranë zonës së kryerjes së këtyre provave nukleare. Ushtria koreano-jugore konfirmoi se tërmeti i parë artificial ndodhi rreth orës 03:20 GMT.
“Qendra e Rrjetit Kinez të Tërmeteve tha se dridhja e parë e tokës ishte 6,3 ballë Richter, me thellësi zero kilometra, çka tregon se tërmeti mund të jetë shkaktuar nga një shpërthim”, njoftoi agjencia zyrtare kineze e lajmeve, Hsinhua.
