Grabitet nën kërcënimin e armës një kazino në lagjen numër 2, në Korçë, pranë Kinemasë, në orët e para të mëngjesit.
Policia bën me dije se “rreth orës 03:40 jemi njoftuar se në një ambjent lojrash fati (kazino), dy persona të maskuar, ku njëri prej tyre dyshohet të ketë qenë i armatosur, duke kërcënuar personelin kanë marrë një sasi lekësh dhe më pas janë larguar”.
Nga veprimet e para rezulton se nuk ka pasur persona të dëmtuar gjatë grabitjes.
Grupi hetimor po punon për identifikimin, kapjen e autorëve, si edhe zbardhjen e rrethanave të ngjarjes.
Ende nuk dihet sasia e lekëve që kanë mundur të marrin dy grabitësit.
