Ditën e sotme 10 muxhahedinë janë marrë në pyetje nga Prokuroria e Durrësit. Ata janë thirrur në cilësinë e dëshmitarit lidhur me ngjarjen e ndodhur mëngjesin e së martës (20 qershor) në kampin e MEK në Manzë të Durrësit.
Iranianët janë pyetur dje në lidhje me pretendimet se policia ka ushtruar dhunë ndaj tyre si dhe me sprajtin që kanë hedhur janë përgjegjës për humbjen e jetës së një anëtari në kamp.
Mësohet se edhe gjatë dëshmisë së dhënë dje ata kanë mbajtur po të njëjtin qëndrim.
Më herët, për këtë pretendim, autoritetet shqiptare deklaruan se nuk është ushtruar dhunë ndaj muxhahedinëve.
Policia dhe Prokuroria nuk kanë mundur të sekuestrojnë ende kamerat brenda kampit, dhe për këtë janë detyruar që me një kërkesë t’u drejtohen përfaqësuesve të muxhahedinëve për t’u dhënë pamjet e kamerave të sigurisë.
Ditën e sotme dhe në vijim pritet të merren në pyetje persona të tjerë iranianë, mes të cilëve edhe 6 personat që u proceduan në gjendje të lirë për 4 akuza.
Në lidhje me 78-vjeçarin që vdiq në kamp, Prokuroria e Durrësit është në pritje të autopsisë dhe përgjigjes së analizave toksikologjike.
