Ilirjana Olldashi është gjyqtarja që do të shqyrtojë ankimimet e bëra nga familjarët e kryebashkiakut Erion Veliaj, Ajola Xoxa dhe Arbër Veliaj, kundër kontrolleve të kryera nga SPAK.
Pas kontrolleve në shtëpinë e të vëllait dhe sekuestrimit të telefonit të bashkëshortes, Veliaj ka depozituar një kërkesë në gjykatë përmes avokatëve të tij, në të cilën kundërshton veprimet e SPAK-ut.
Dy ditë më parë, Veliaj bëri një postim të gjatë në rrjetet sociale, ku sqaroi pozicionin e tij në lidhje me hetimet dhe kontrollin e realizuar nga BKH-ja të premten e kaluar. Gjatë postimit, ai shprehu hapur pakënaqësinë ndaj SPAK, duke theksuar se kontrollet ishin kryer në banesë pa një vendim gjykate.
