Rruga që lidh fshatin Senisht në bashkinë Maliq prej muajsh e izoluar, banorët apelojnë për ndihmë
Sipas gjetjeve paraprake, dizajni i aplikacionit shkel Aktin e Shërbimeve Digjitale të Bashkimit Evropian dhe nuk mbron siç duhet përdoruesit, veçanërisht fëmijët dhe adoleshentët.
Komisioni thotë se TikTok mbështetet në veçori që krijojnë varësi, si lëvizja pa fund, e cila u shfaq përdoruesve përmbajtje të re pa ndërprerje, sa herë që rifreskohet ekrani.
Sipas rregullatorëve evropianë, këto elemente dizajni e vendosin trurin në një gjendje “autopiloti” dhe nxisin sjellje kompulsive, si hapja dhe shfletimi i vazhdueshëm i aplikacionit, shpesh pa vetëdije për kohën që kalon.
Gjetjet vijnë në një moment kur presioni ndaj platformave të mediave sociale po rritet ndjeshëm, për shkak të kohës së gjatë para ekranit, sidomos tek përdoruesit e rinj.
Komisioni Evropian thekson se TikTok duket se nuk ka vendosur masa mbrojtëse të mjaftueshme për të reduktuar rreziqet që lidhen me varësinë digjitale.
“Varësia nga mediat sociale mund të ketë pasoja serioze në zhvillimin e mendjes së fëmijëve dhe adoleshentëve”, deklaroi Henna Virkkunen, zëvendëspresidente ekzekutive e Komisionit Evropian.
Akti i Shërbimeve Digjitale i bën platformat përgjegjëse për ndikimin që kanë te përdoruesit e tyre, duke synuar mbrojtjen e qytetarëve evropianë në hapësirën online.
