Përgatitjeve që po zhvillon Kombëtarja në Durrës ditën e sotme i janë bashkuar edhe tre lojtarët që munguan një ditë më parë. Panucci tashmë do të ketë në dispozicion Hysajn, Gjimshitin e Berishën, lojtarë që për arsye të ndryshme munguan dje në seancën e parë.
Një detaj interesant ka të bëjë me numrin që do të mbajë mbrojtësi Herdi Prenga, i cili në mungesë të Frederic Veselit të dëmtuar u ftua për sfidën miqësore të kuqezinjve. Ai mban numrin 5, që më parë e ka mbajtur ish-kapiteni Lorik Cana dhe më pas është mbajtur nga futbollisti i Empolit.
Me rikthimin e këtyre 3 lojtarëve problemi i vetëm paradite ishte stërvitja e diferencuar e Berishës, i cili vuan nga një lëndim në kofshë. Por në seancën e pasdites “gardiani” i skuadrës së Atalantës është parë të stërvitet normalisht së bashku me dy portierët e tjerë, Thomas Strakosha dhe Alban Hoxha. Të tre portierët kanë punuar nën kujdesin e përgatitësit të portierëve, Ilir Bozhiqi.
