Kolumbia ka fituar bindshëm ndaj Polonisë dhe ka rritur shumë shanset e amerikano-latinëve që të kalojnë grupin në Botëror.
Skuadra amerikano-latine ka mundur me shifrat 3-0 europianët falë golave të mbrojtësit Mina, Falcao-s dhe Cuadrado-s. U desh shumë deri në zhbllokimin e sfidës, por nga minuta e 40-t e më pas kolumbianët menaxhuan gjithçka.
Me këtë humbje mbyllet këtu aventura e Polonisë së Lewvandowskit në Botëror. Edhe në rast se e përfundon me pikë të barabarta në grup me Kolumbinë evropianët i ndëshkon ndeshja direkte.
