Kolumbia që e nisi me humbje ka arritur të mposhtë Senegalin dhe të marrë vendin e parë në grupin H. Ishin tre ekipe që luanin për të kaluar përtej fazës së grupeve dhe Polonia që kishte mbyllur gjithçka. Në fund ata që festojnë janë Kolumbia dhe Japonia, ndërsa Senegali përjashtohet pasi ishte ndëshkuar me më shumë kartonë.
Pjesët e para në të dy takimet u mbyllën në barazim 0-0, ndërsa kolumbianët kishin humbur James Rodriguezin, i cili largohet nga fusha i dëmtuar në minutën e 30’. Ndërkohë surpriza vjen në ndeshjen e Japonisë, ku polakët kalojnë në avantazh në minutën e 60’ falë golit të Bednarek. Japonezët hidhen në sulm për të gjetur golin e avantazhit që do t’i shpëtonte kur kolumbianët gjejnë golin e avantazhit në minutën e 74’.
Ishte talenti i Barcelona-s Yerry Mina ai që kaloi të tijtë në avantazh pas një tjetër goditjeje këndore. Me atë rezultat, Senegali rrezikonte eliminimin për shkak se Japonia kishte më pak kartonë të verdhë. Japonia dhe Senegali kanë nga katër pikë dhe po aq gola të shënuar, kështu që skuadra më Fair Play kalon në fazën tjetër. Nuk kishte ndryshime rezultati deri në fund të takimit. Kolumbia dhe Japonia kalojnë në fazën e 1/8-ave.
