Enea Koliçi në kombëtare. Portieri i Kukësit është surprizuar kur ka marrë në mbrëmje ftesën për t’ju bashkuar ekipit kombëtar. Një ftesë e shumëdëshiruar pa diskutim, e madje dhe e shumë pritur me ëndrrën e portierit të kampionëve të Shqipërisë që bëhet realitet atëherë kur nuk e priste. Një ndër gardianët më të spikatur të Kategorisë Superiore sezonin e kaluar 31 vjeçari nga Pogradeci me paraqitjet e tij kishte fituar vlerësimin e publikut duke u kuotuar për një thirrje në kombëtare. Thirrje që vjen pikërisht tani, para dy ndeshjeve tejet të rëndësishme, me Spanjën dhe Italinë, natyrisht për shkak të dëmtimit të Strakoshës i cili vuan një problem muskulor në kofshë me stafin mjekësor të Kombëtares që ka vendosur ti japë lejen për tu kthyer në Romë ku do të kryejë edhe rehabilitimin nën kujdesin e klubit të tij Lazios. Për Koliçin vjen momenti i duhur, menjëherë sapo ka marrë ftesën i është drejtuar hotelit për tu bashkuar me shokët e skuadrës, atë të ambicies maksimale të çdo futbollisti, ekipit kombëtar.
Njihuni më mirë me Koliçin:
