“Nëse Zhegrova dëshiron të luajë, atëherë duhet të heq dorë nga stili i tij i lojës. Nuk mund të kërkoj që të duket gjithmonë ndaj kundërshtarëve”, ishte ky paralajmërimi që trajneri i Genkut për futbollistin shqiptar, duke iu referuar driblimeve të tij.
Por ky është stili i lojës së Zhegrovës dhe asnjëherë nuk heq dorë me kokëfortësinë. I ka kushtuar jo pak në Belgjikë, teksa me ekipin që po lufton për t’u shpallur kampion, ka përfunduar shpeshherë edhe jashtë grumbullimit të skuadrës.
Së fundmi, trajneri e ka aktivizuar Zhegrovën në një miqësore ndaj Shalkes, atje ku shqiptar shpalos edhe njëherë numrat e tij. Pavarësisht tërheqjeve nga fanella që merrte nga lojtarët gjermane, futbollisti i Kosovës ishte i pandalshëm me driblimet e tij.
