Hilari Klinton i është rikthyer skenës politike në Shtetet e Bashkuara me lëvizjen “Përpara Sëbashku”.
Organizata e saj e re ka për qëllim përgatitjen e personave për qëllime të ndryshme deri në kandidim për Shtëpinë e Bardhë. “Përpara Sëbashku” shikohet si një lëvizje kundër presidentit Donald Trump.
Ish-kandidatja demokrate për zgjedhjet presidenciale në Shtetet e Bashkuara, Hilari Klinton I është rikthyer politikës. Pasi u mund nga rivali republican, Donald Trump, ajo shpenzoi muaj duke bërë vrap dhe duke ndjekur shfaqjet e teatrove të Broduej në Nju Jork.
Por tashmë Klinton është rikthyer fuqishëm me një grupim politik kundër Trump. Ajo njoftoi se ka themeluar iniciativën e re të quajtur “Përpara Sëbashku” dhe I bëri thirrje mbështetësve që të përfshihen.
Më grupimin e ri, ish-sekretarja amerikane e shtetit shpreson të inkurajojë personat që të hyjnë në politikë. Klinton dëshiron që qytetarët të përfshihen më shumë në komunitet dhe të garojnë për Shtëpinë e Bardhë.
Slogani i iniciativës së saj është “rezisto, këmbëngul, vazhdo, rekruto”. Lëvizja e Klinton ka në fokus qytetarët që bien dakord me politikat e Demokratëve. Faqja zyrtare në internet shkruan se organizata i dedikohet përparimit të vizionit që fitoi votat e rreth 66 milion personave zgjedhjet e kaluara.
Ndërkohë, në sajtin e lëvizjes nuk përmendet Donald Trump me emër, por bën thirrje për protesta kundër presidentit duke përdorur fjalën “rezisto”, që përdoret gjerësisht nga aktivistët anti-Trump.
