Dhjetë shtetas shqiptarë janë arrestuar në Itali për trafik dhe pazare droge. Mediat raportojnë se të rinjtë kishin shkuar në Itali me viza turistike për të shitur drogë me pakicë në zonën e Varreses.
Hetimet kanë nisur në vjeshtën e vitit 2023, kur policia u njoftua për praninë e një shqiptar, i cili merrej me shpërndarjen e kokainës në doza.
Analiza e thelluar e informacionit bëri të mundur kapjen e tij, duke sekuestruar edhe disa doza droge nga klientët e tij.
Gjatë hetimeve, të cilat zgjatën afërsisht 6 muaj, u arrestuan dy nga narkotrafikantët që i përkisnin grupit dhe u sekuestruan 1 kilogram kokainë dhe 4 kilogramë hashash, pjesërisht të ndara tashmë në qindra doza.
