Dy turistët, një nga Kosova dhe tjetra nga Gjermania, që humbën kontaktin gjatë udhëtimit në Malin e Taraboshit, u gjetën pas disa orësh kërkimi nga grupi alpin i FNSH Shkodër.
Pas një thirrjeje për ndihmë, efektivët nisën menjëherë operacionin për gjetjen e tyre. Turistët u gjetën në fshatin Zogaj në gjendje të mirë shëndetësore dhe më pas morën ndihmën e nevojshme, duke u transportuar drejt Shkodrës.
