Mëngjesin e 29 tetorit në orën 03.00, pra, të kësaj të diele akrepat e orës do të lëvizin 60 minuta pas, çka do të thotë do të mund të flemë në mëngjes një orë më shumë. Prej shumë vitesh ndryshimi i orës bëhet për të shfrytëzuar më shumë dritën e diellit dhe për të kursyer energji. Teoria e ndryshimit të orës është hedhur që në shekullin XVIII, nga Benjamin Franklin, me argumentin se me realizimin e saj do të kursehej shumë energji.
Në fillim të shekullit të XX, teoria e tij u mor nga britaniku Uillett Uilliam, i cili e paraqiti atë në Dhomën e Komunave që i dha dritën e jeshile projektit “British Summer Time” në vitin 1916, ku përfshihej lëvizja e akrepave të orës përpara gjatë veres për të kursyer energji. Ora dimërore do të zgjasë deri të dielën e fundit të marsit.
