Pas paraqitjes së tij në SPAK, për denoncimin e kryetarit të bashkisë së Peshkopisë, Rrhahim Spahiun, drejtorin e shërbimeve të bashkisë Bedri Kamberin dhe kryetarin e Njësisë Administrative Luzni, Labinot Murrja, për krime zgjedhore, kandidati për deputet i PD-së Xhemal Gjunkshi bën deklaratën e tij para institucionit. Ai shprehet se personat që ka denoncuar kanë shkelur kodin zgjedhor duke hapur rrugë në fshatin Luzni, ndërsa i cilëson ata si ‘çyrykët e vërtetë të Dibrës’.
“Sapo dola nga SPAK, ku denoncova Kryetarin e Bashkisë Peshkopi, Rrahim Spahiun, Drejtorin e Shërbimeve të Bashkisë, Bedri Kamberin, Kryetarin e Njësisë Administrative Luzni, Labinot Murrja, për krime zgjedhore. Këta njerëz në shkelje të ligjit, duke shkelur kodin zgjedhor hapën rrugë në fshatin Luzni. Këta njerëz janë çyrykët e vërtetë të Dibrës, që së bashku me Çyryk Ramën, do marrin përgjigje nga dibranët, vetëm pas pak ditësh. 4 me 1 do ia bëjmë rilindjes.
