Mesa duket Partia Demokratike, tashmë e ndarë në disa pjesë nuk i ka mbyllur punët me gjykatën. Tashmë lufta e ftohtë është pozicionuar mes grupit të Bashës dhe grupit të Bardhit.
Këta të fundit vetëm pak orë pas thirrjes për të dalë në votime, nxituan të çonin në Gjykatë çështjen e PD-së, duke depozituar vendimin e Këshillit Kombëtar për anulimin e zgjedhjeve, bashkë me kërkesën për çregjistrimin e Bashës si kryetar i PD në regjistrin e partive politike.
Mirëpo, në një deklaratë për mediat, sekretari ligjor Indrit Sefa ka ironizuar ‘inicativën’ dhe i ka uruar suksese Partisë së parë digjitale në Shqipëri.
“Atyre që braktisin forumet e PD dhe i shërbejnë interesave personale të Sali Berishes, i urojmë suksese në iniciativën për të dorëzuar në gjykatë vullnetin e mbledhjes se parë të Partisë së parë digjitale në Shqipëri. Nesër demokratët do të votojnë për kryetarin e ri të PD. Procesi legjitim i zgjedhjes së kryetarit do të pasohet me riorganizimin vital të Partisë, për ta bërë PD alternativë qeverisëse për Shqipërinë dhe shqiptarët,” shkuan sekretari ligjor Indrit Sefa.
