Temperaturat e larta dhe mungesa e reshjeve kanë detyruar Korporatën Elektroenergjetike Shqiptare të blejë energji në treg të jashtëm.
Në katër ankandet e zhvilluar gjatë dy javëve të fundit, KESH ka shpenzuar 14 mln euro për të përmbushuar nevojat vendase, dhe energjia elektrike është blerë me çmime mesatar 95 euro/megavati.
Këto blerje vijnë pas rreth 3 muajsh që KESH nuk kryente importe energjie, pasi procedura e fundit u zhvillua në mesin e muajit mars. Fatura nga tenderët e zhvilluar në 3 muajt e parë të vitit përllogaritet në rreth 38 mln euro, çka do të thotë se së bashku me blerjet e fundit, fatura për vitin 2025 arrin në rreth 52 mln euro.
Sipas të dhënave të publikuara nga Korporata Elektroenergjetike Shqiptare në total janë blerë rreth 408 mijë mËh energji, me një çmim mesatar prej 124 euro/mËh.
Kërkesa për të blerë energji elektrike në stinë të ndryshme të vitit, tregon se vendi ynë nuk mundet ende t’i mbulojë nevojat me rrymën që prodhon nga Hidrocentralet dhe impantet diellore.
