Në mbledhjen e Këshillit të Mandateve po diskutohet mbi heqjen e mandatit të deputetit Saimir Tahiri, për t’i hapur rrugë arrestimit të tij.
Mbledhja po transmetohet drejtpërdrejt me dyer të hapura për median. Por, kush janë tre prokurorët që kërkojnë arrestimin e ish-ministrit Tahiri?
Tre prokurorët, Besim Hajdarmataj, Elisabeta Ymeraj dhe Gentian Osmani janë nga Tropoja.
Por, cila është lidhja e tyre me Berishën?
Newsbomb.al shkruan se Besim Hardarmataj nga Tropoja është kushëriri i dytë Sali Berishës, i denoncuar nga Artan Hoxha në televizion si njeriu që i çoi fotot e videot Berishës nga operacioni i Babicës së Vogël.
Prokurorja Elisabeta Ymeraj nga Tropoja është pjesëtare e Grevës së Urisë të Shkëlzen Berishës në vitin 1999. Gruaja e Agron Bajrit, kushëri i dytë i Shkëlzen Berishës.
Gentian Osmani nga Tropoja, shok klase i Shkëlzen Berishës. Ka mbyllur çështjen e Gjin Gjonit në Elbasan në 2014 së bashku me Bledar Mustafarajn. Asokohe Gentian Osmani ka qenë kryeprokuror rrethi, ndërsa Bledar Mustafaraj prokuror i çështjes.
