Gjykata e Posaçme kundër Korrupsionit dhe Krimit të Organizuar (GJKKO) ka refuzuar kërkesën e të dënuarit Altin Kodra për të dalë nga Regjimi i Posaçëm për një vit. Kodra, i dënuar me 22 vite burg për vrasje, kishte kundërshtuar urdhrin e Ministrit të Drejtësisë, i cili e vendosi atë në këtë regjim më 6 dhjetor 2024.
Trupa gjykuese e kryesuar nga Bib Ndreca vendosi të rrëzojë kërkesën e Kodrës, duke e lënë atë në Regjimin e Posaçëm të ushtrimit të të drejtave në Institucionin e Ekzekutimit të Vendimeve Penale të Sigurisë së Lartë.
Vendimi mund të apelohet në Gjykatën e Posaçme të Apelit për Korrupsionin dhe Krimin e Organizuar brenda 15 ditëve nga njoftimi i tij.
