Në SHBA është krijuar një situatë e trazuar sa i përket takimit me dyer të mbyllura mes presidentit Donald Trump dhe Vladimir Putin në samitin e G20 në Hamburg, në vitin 2017. Avokatët e Komisionit të Inteligjencës dhe Punëve të Jashtme të Dhomës vendosën të lëvizin pas raportimeve se Trump kishte ndryshuar shënimet e përkthyesit pas bisedimeve me Presidentin rus.
Një demokrat në Komitetin e Punëve të Jashtme tha se lajmi kishte ‘ndryshuar ‘ dhe ‘ngriti një mori pyetjesh’. Demokrati i tha ABC News: “Ne po shqyrtojmë implikimet ligjore të kësaj, dhe do të diskutojmë opsionet tona. Avokatët tanë janë ulur me avokatët e komitetit të inteligjencës për të kuptuar situatën.
Avokatët e komitetit nuk po hartojnë ende një padi, por po diskutojnë se si do ta hartonin për lëshimin e një të tille, nëse përfaqësuesit vendosin të ecin përpara me këtë veprim. Do të ketë edhe një votim për këtë çështje në javët në vazhdim.”
Manovrimi ligjor vjen pasi Washington Post raportoi se Trump kishte bërë gjithçka për të mbajtur shënimet e bisedimeve të tij me Putin private. Zyrtarët thanë në gazeta se Trump kishte marrë shënimet e përkthyesit të bisedës së tij me Putin në G20 dhe e udhëzoi atë të mos fliste me ndonjë anëtar tjetër të administratës së tij për atë që u tha.
Takimi ishte një nga dy që u mbajtën mes tyre në samit, ndërsa tek i dyti besohet se mori pjesë vetëm përkthyesi i Putinit.
Si rezultat i manipulimit të Trump me të dhënat zyrtare, nuk ka të dhëna se cfarë është diskutuar mes tij dhe Putinit, madje as në dosjet e klasifikuara.
Një zëdhënës i Shtëpisë së Bardhë mohoi se Trump ishte duke u përpjekur të fsheh detajet e takimit dhe vuri në dukje se atëherë Sekretari i Shtetit Rex Tillerson kishte qenë i pranishëm.
Tillerson ‘dha një përmbledhje të plotë të takimit menjëherë pas zyrtarëve të tjerë të SHBA në një mjedis privat, si dhe një njoftim për shtypin’, tha zëdhënësi.
Kryetari i Dhomës së Inteligjencës, Adam Schiff dha mbështetjen e tij për idenë e thirrjes së përkthyesit për t marrë në pyetje të dielën, duke thënë: ‘Vitin e kaluar ne kërkuam të merrnim shënimet ose dëshminë e përkthyesit, nga takimi privat midis Trump dhe Putinit.
Republikanët në komitetin tonë na kanë votuar. A do të na bashkohen tani? A nuk duhet të kuptojmë nëse presidenti ynë është duke e vënë “Amerikën të parën”? “
Përshtati TIRANA TODAY
“A po punon për Rusinë, zoti President?” Raporti i FBI-së trondit Donald Trump
