SHBA-ja do ti shesë aleatëve të saj të Gjirit, Emirateve të Bashkuara Arabe, 160 raketa të tipit Patriot për një vlerë prej dy miliardë dollarësh, njoftoi sot Departamenti i Mbrojtjes.
“Ashtu si për çdo kontratë tregtare për shitjen e armëve nga Uashingtoni, është Departamenti i Shtetit që miraton shitjen e mundshme të këtyre 160 raketave për Emiratet e Bashkuara Arabe dhe Departamenti i Mbrojtjes që ka informuar për këtë Kongresin, që teorikisht mund të kundërshtojë”, theksoi Pentagoni në një komunikatë.
“Kjo kontratë për amrmatimin do të kontribuojë për politikën e huaj dhe sigurinë kombëtare të SHBA-së duke riforcuar sigurinë e një aleati të rëndësishëm që ka qenë dhe vazhdon të jetë një forcë për stabilitetin politik dhe progresin ekonomik në Lindjen e Mesme”, shkruan Uashingtoni.
Kjo marrëveshje vjen në një kohë kur situata në Azi është tepër e tensionuar dhe kjo marrëveshje e SHBA-ve me Emiratet e Bashkuara Arabe mund të jetë një tjetër aleancë kundër kërcënimeve terroriste.
