Kryeministri Edi Rama ka folur lidhur me kërcënimet e bëra nga Greqia për lirimin e kryebashkiakut të zgjedhur të Himarës, Fredi Beleri. Në një prononcim për mediet, Rama i prerë tha se sa të jetë ai në pushtet nuk do të lejojë që të ketë ndërhyrje në drejtësinë shqiptare.
Kryeministri theksoi se drejtësia e re në Shqipëri duhet të bëjë detyrën e saj e patrazuar dhe se do të ketë mbështetjen e qeverisë pa kushte.
“Dhe i them të gjitha këto nuk ka shans sa të jem unë këtu, nuk ka shans presioni mbi drejtësinë e re të ushtrohet dhe të funksionojë. Për tu ushtruar mund të ushtrohet se nuk ndalojmë njeri, por të funksionojë përmes kërcënimeve apo sinuatave nuk ka shans. Nuk ka shans kjo drejtësi është ajo që i duhet Shqipërisë që Shqipëria të bëhet më në fund shteti që kanë ëndërruar ata që e kanë krijuar”, tha kryeministri.
Ndër të tjera, Rama shtoi se ndihet krenar për të gjitha arritjet e drejtësisë së re dhe se para disa vitesh askush nuk e mendonte se do të ndëshkoheshin njerëz me pushtet.
Pjesë nga fjala e Edi Ramës:
Ndërkohë, sa i përket pyetjes së parë reforma e drejtësisë në Shqipëri është gjëja më e madhe gjëja më e rëndë gjëja më e paimagjinueshme, deri përpara ca vitesh që i ka ndodhur shtetit shqiptar. Jo sot po në historinë e vet. Është gjëja më e madhe sepse qysh nga dita e parë e krijimit të shtetit shqiptar nuk ka patur ky vend nje drejtësi që të mos pyesë se kush je. Por, të vepronte mbi këdoqoftë dhe për herë të parë në historinë e shtetit shqiptar individë të lidhur me forcën në pushtet qoftë forca në pushtet monarki, qoftë regjimi, qoftë dhe qeveri e zgjedhur me vota në sistem demokratik nuk është marrë përpara përgjegjësisë. Është hera e parë që këta individë merren përpara përgjegjësi dhe kjo është historia.
Dhe patjetë është e rëndë sepe lidhet drejtpërdrejt me lirinë e atyre që kanë pushtet. Mund ta humbasin lirinë nëse e shfrytëzojnë pushtetin për të cënuar të drejtat e publikut. Ndaj unë mrekullohem kur dëgjoj që në vend se kjo të jetë një arsye e përbashkët për të tu nndjerë mirë drejtësia më në fund po si e tillë, për të vetmen arsye për të bërë mjau mjau, jo po si ndjeheni ju po çare bëniju. Si ndjehem unë? Unë jam shumë krenar për këtë që kemi bërë. Patjetër kur është fjala për një idivid që e kam pasur afër nuk ndihem mirë në nivelin personal njjerëzor, por në nivelin e detyrës misionit të qëndrimit unë ndjehem vetëm krenar. Shumë e thjeshtë.
Dhe i them të gjitha këto nuk ka shans sa të jem unë këtu, nuk ka shans presioni mbi drejtësinë e re të ushtrohet dhe të funksionojë, sepse për tu ushtruar mund të ushtruar se nuk ndalojmë njeri, të funksionojë përmes kërcënimeve apo sinuatave. Nuk ka shans kjo drejtësi është ajo që i duhet Shqipërisë që Shqipëria të bëhet më në fund shteti që kanë ëndërruar ata që e kanë krijuar.
