Këto ditë, temperaturat kanë qenë favorizuese për të shkuar në plazh, por hera-herës ka pasur edhe raste përjashtimore.
Gjatë së hënës, kthjellimet dhe vranësirat kalimtare dominojnë pjesën më të madhe të ditës, përjashtuar orët e mesditës në ekstremin verior dhe verilindor, ku priten vranësira lokale dhe mundësi për shira të izoluar.
Pasditja dhe orët vijuese vijojnë kryesisht në kushtet e motit të kthjellët, në të gjithë vendin.
Sipas MeteoAlb, temperaturat e ajrit rriten lehtë në mëngjes dhe mesditë, duke variuar nga 12 gradë gjatë mëngjesit, deri në 33 gradë, maksimumi në zonat perëndimore.
Era do të fryjë kryesisht mesatare, me shpejtësi 32 km/h nga drejtimi Verior, ndërsa në det dallgëzimi ngjitet mbi 2 ballë.
