Davide Astori shkëmbeu mesazhet e tij të fundit me shokun e tij të skuadrës, portierin Sportiello.
Madje, ky mesazh mbase edhe mund t’i kishte shpëtuar jetën atij, nëse do vepronte ndryshe pas komunikimit në WhatsApp. Mësohet se kapiteni i Fiorentinës, pas darkës ka shkuar në dhomën e portierit, ku kanë luajtur “PlayStation”.
Në orën 23:00, 31-vjeçare është kthyer në dhomën e tij i vetëm, ndërsa në orën 23:34 minuta, Astori ka shkëmbyer mesazhin e fundit me Sportiellon.
“Ke harruar këpucët te unë”, i shkruan Sportiello, ndërsa Astori i përgjigjet: “Faleminderit, por nuk më duhen tani. I marr në mëngjes”.
Rreth orës 09:30 minuta të mëngjesit, Astori u gjet i pajetë në dhomën e tij të hotelit, ku gjithçka dukej në rregull.
Autopsia pritet të kryhet në orët në vazhdim, por gjithçka të çon në një vdekje natyrale. Lojtari kishte kryer analizat më 28 shkurt dhe asnjë problem nuk ishte zbuluar.
