Planeti ku jetojmë ndryshon vazhdimisht ashtu sikurse ndryshojnë dhe evoluon çdo organizëm i gjallë. Rritje dhe ndikimi i dorës së njeriut mbi mjedisin, ka krijuar edhe probleme që tashmë nuk mund të kthehen dot pas në pikën e fillimit. Planeti tokë përballet me ndryshime të vazhdueshme, por edhe të shpejta.
Gjatë këtij viti që po lëmë pas, katastrofat natyrore dhe ato të “ndihmuara” nga dora e njeriut, kanë shkaktuar një dëm ekonomik prej 306 miliardë dollarësh në të gjithë botën. Shifrat e cituara, janë bërë publike nga kompania gjigante e sigurimeve “Swiss Re”. Ndër shkaqet kryesore mund të përmendet dhe lidhet me motin ekstrem që ka goditur disa vende në botë.
Ngjarjet dhe katastrofat natyrore që shkaktuan jetë njerëzish dhe shpenzime kolosale mund të përmenden si uraganet që goditën Shtetet e Bashkuara të Amerikës dhe ishujt Karaibe, duke lënë nga pas një dëm ekonomik në shifrat e 93 miliardë dollarësh.
Tre uraganet si Harvey, Irma dhe Maria, krijuan frikë dhe kaos në jetën e banorëve. Sakaq, mund të përmendim shpërthimet e fuqishme të zjarreve në Kaliforni, të cilët shkrumbuan mijëra hektarë pyje.
Tërmetet:
Janë shënuar dy tërmete të fuqishme në Tehuantepec dhe Puebla në shtetin e Meksikës gjatë muajit shtator. Nga tërmetet që prekën këto rajone kanë humbur jetën një numër i madh personash, ndërsa si dëm ekonomik mund të përmendim shifrën e 2 miliardë dollarëve.
“Tropical Cyclone Debbie” gjithashtu shkaktoi dëme të konsiderueshme në Australi, me 1.3 miliardë dollarë dëme.Kulmi i humbjeve arriti në vitin 2011 me 440 miliardë dollarë, vit kur Japonia u godit nga tërmeti Tōhoku dhe tsumani që çoi në katastrofën në Fukushima”-shkruan Scan.
Dhjetë vite më parë, në 2008 gjithashtu mund të mbahet mend për “ Ciklonin Nargis”, ku humbën jetën 135,000 persona në Mianmar, duke u pasuar nga një tërmet në provincën Sichuan të Kinës, ku humbën jetën 70,000 persona. Dëmi ekonomik për atë vit arriti në 297 miliardë dollarë.Shënohen qindra katastrofa natyrore të cilat godasin çdo vit rajone të ndryshme të planetit, ndërsa nuk kursehen të shkatërrojnë gjithçka që gjejnë përpara.
