RYANAIR KONFIRMON REKORD NË REZERVIMET E BILETAVE PËR 17 DESTINACIONET E REJA NGA SHQIPËRIA TË CILAT FILLOJNË TË MARTËN MË 31 TETOR
Ryanair, linja ajrore më e madhe e Evropës (183.5 milion klientë) sot me date 25 Tetor, deklaron rezervime biletash rekord në 17 destinacionet e saj të reja për në/nga Tirana, të cilat fillojnë javën e ardhshme më 31 Tetor. Këto 17 destinacione të reja të Ryanair për/nga Shqipëria do ta lidhin vendin me tregjet e mëdha të vizitorëve që vijne nga: Belgjika, Franca, Gjermania, Italia, Polonia, Suedia and Mbreteria e Bashkuar, ku Ryanair beson se rritja e konsiderueshme e trafikut dhe turizmit do të stimulohet falë tarifave të ulëta ajrore te Ryanair, të cilat më në fund ofrojnë konkurrencë në cmime dhe zgjedhje krahasuar me linjat ajrore që ofrojnë cmime më te larta. Këto 17 destinacione me çmime të ulëta të Ryanair për në/nga Tirana do të zgjerojnë rrjetin e destinacioneve, trafikun e pasagjerëve gjatë gjithë vitit dhe rritjen e turizmit, si dhe do të mundesojne hapjen e qindra vendeve të reja pune në aeroport, ndërkohe qe do t’u ofrojnë qytetarëve/vizitorëve shqiptarë tarifa më të ulëta dhe më shumë zgjedhje gjatë gjithë vitit.
Fluturimet e reja të Ryanair ne Shqiperi do të mundesojnë;
– 17 destinacione të reja ku përfshihen: Brukseli, Düsseldorfi, Londër, Milano, Paris dhe Romë
– Cmime që fillojnë nga vetëm 15 € (për një- drejtim)
– Mbi 1.6 milion pasagjerë. në vitin e parë te operimit
– Mundesimi i hapjes se mbi 1,000 vendeve të punës në Shqipëri
Gjatë 4 dekadave të fundit, Ryanair ka sjellë një revolucion ne udhëtimin ajror nëpër Evropë duke kombinuar tarifa të ulëta dhe fluturimet e përpiketa në orar, si dhe avionë Boeing 737 te rinj duke ofruar shërbim te mire ndaj klientit. Trafiku i pasagjerëve dhe turizmi shqiptar janë frenuar gjatë kesaj kohe nga kompanite ajrore ekzistuese qe ofrojnë bileta me çmime të larta, të cilat nuk kanë arritur të japin rritje te turizmit dhe të trafikut gjatë gjithë vitit. Ryanair është i vendosur t’i japë fund oligopolit.
Me cmime që fillojnë nga vetëm 15 € (për një-drejtim), 17 destinacionet e reja të Ryanair në Tiranë këtë dimër mundesojnë fluturime te shpeshta ku: 2 flutuime ne dite për në Londër dhe Milano, si dhe fluturime te perditshme në Bolonjë, Bruksel, Katania, Piza, Romë dhe Venecia. Ryanair do të mirëpresë mijëra vizitorë për herë të parë në Shqipëri këtë dimër. Ryanair vazhdon të punojë me Qeverine Shqiptare dhe aeroportet e tij, për të eksploruar destinacione të reja për/nga Tirana, si dhe hapjen e destinacioneve të reja drejt aeroporteve të tjera shqiptare gjatë 3 viteve të ardhshme.
17 DESTINACIONE TE REJA
F.J. F. J.
London 28 Bucharest 6
Milan 28 Krakow 6
Rome 18 Manchester 6
Bologna 14 Warsaw 6
Brussels 14 Dusseldorf 4
Catania 14 Edinburgh 4
Pisa 14 Prague 4
Venice 14 Stockholm 4
Paris 10
*FJ-Fluturime javore
Michael O’Leary, CEO i Ryanair vizitoi Tiranën sot me ekipin e tij te shitjes dhe ekipin operacional për të promovuar fillimin e fluturimeve të Ryanair për në/nga Tirana, te martën me 31 Tetor. Për të festuar këto rezervime rekord, Ryanair ka nisur një fushate promocionale 3 ditore ne të 17 destinacionet e reja për/nga Tirana, me 50,000 vende qe jane në shitje duke filluar nga 14.99 €, të cilat janë në dispozicion nga Nëntori 2023 deri në Mars 2024 (edhe pse këto vende duhet të rezervohen deri më 28 Tetor direkt në faqen e internetit të Ryanair.com).
Në Tiranë, Michael O’Leary, CEO i Ryanair tha:
“Javën e ardhshme, te marten më 31 Tetor, revolucioni i çmimeve të ulëta vjen në Shqipëri me Ryanair. Ne do të nisim 17 destinacione të reja për në/nga Tirana, ku tashmë më shumë se 70% e vendeve te ofruara janë shitur per muajin e parë të operimeve. Oferta e larte per sezonin dimëror të Ryanair në Tiranë me 17 destinacione, dhe mbi 200 frekuenca javore tregojnë kërkesën e jashtëzakonshme që ekziston për udhëtime me cmime vërtet të ulëta per ardhjen e turisteve në Shqipëri si dhe për qytetarët shqiptarë gjithashtu. Si linja ajrore nr.1 ne Evropë, Ryanair beson se mund të japë rritje te jashtezakonshme dhe të qëndrueshme të trafikut dhe turizmit, jo vetëm këtë dimër, por edhe për shumë vite te ardhshme në Shqipëri.
Për shumë kohë, shtimi i destinacioneve te reja dhe trafikut në Shqipëri është penguar nga linjat ajrore me çmime të larta si Lufthansa, Air France, BA dhe Wizz. Nga e marta e ardhshme me 31 Tetor, përfundon kjo epokë e cmimeve të larta. Çmimet e ulëta të Ryanair po vijnë në Tiranë. Mijëra vizitorë po vijnë në Tiranë dhe ne presim me padurim t’u sherbejme mijëra qytetarë shqiptarë në/nga Evropa për të vizituar miqtë dhe të afërmit e tyre.
Ryanair është e vetmja linjë ajrore e madhe në Evropë që është rimëkëmbur në 130% të trafikut të saj ne raport me periudhen para-Covid. Këtë dimër shpresojmë të marrim 57 avionë të rinj nga Boeing si pjesë e planit tonë të rritjes dhe rimëkëmbjes post-Covid. Jemi krenarë të hapim 17 destinacione të reja për në Tiranë javën e ardhshme dhe jemi të lumtur nga fluksi i rezervimeve te kryera ne avance dhe kërkesa që ekziston në Shqipëri dhe anembanë Evropës për fluturimet me çmime të ulta të Ryanair për në/nga Tirana. Ryanair planifikon të rrisë flotën e saj në 800 avionë, dhe trafikun e saj në 300 milionë pasagjerë gjatë dekadës së ardhshme dhe ne besojmë se Shqipëria do të jetë një treg kyç qe do te kete rritje me tarifat e ulëta të Ryanair.”
FUND
Per me shume informacion kontaktoni: Ryanair Press Office
Tel: +351-9451799
[email protected]
