Gjyqtari sportiv i Ligës kombëtare të Serisë A në Itali, pas ndeshjeve të javës së parë të kampionatit në fundjaven e kaluar, ka pezulluar me nga një ndeshje dy futbollistë; Hysaj (Napoli) e Ceccherini (Crotone), për kartona të kuq.
Organi i drejtësisë sportive ndërkohë ka gjobitur me 30 mije euro klubin e Veronës për “kore ofensive”, si dhe diskriminim territorial ndaj tifozëve të Napolit.
Një gjobë prej 20 mijë euro është dhënë për Romën për lëshim të tymueseve, 10 mijë euro për Interin, për kore diskriminuese territoriale, 5 mijë euro për Crotone dhe 3 mijë euro për Lacion.
Raste të tilla, gjatë ndeshjeve derbi apo ekipeve rivale janë të shpeshta dhe gjithnjë kanë të njëjtin përfundim kur bëhet fjalë për marrje masash administrative.
