Mbrëmja e 26 majit nuk do të ikë asnjëherë nga mendja e portierit gjerman, Lloris Karius. Ish-portieri i Liverpool që tashmë luan në kampionatin turk me Besiktas, bëri dy gafa të mëdha në finalen e Champions League, ku në fund triumfoi Real Madrid. Pas kësaj, skuadra e Liverpool doli me shpejtësi në treg për të gjetur një portier të ri, duke rënë dakord me gardianin e Kombëtares së Brazilit, Alisson Becker.
Karius është rikthyer të flasë sërish për atë natë ‘makthi’ në Kiev. Në një intervistë për gjermanen “Bild” ai është shprehur se Sergio Ramos ende s’i ka kërkuar ndjesë për dëmtimin që i ka shkaktuar në atë finale.
“Mund të ndodhë për të gjithë që të përjetojnë një mbrëmje të keqe. Fakti që arrita të kualifikohem dhe luaj në finalen e Champions League e konsideroj si një rezultat të madh dhe nuk lejoj askënd të më shkatërrojë atë që kam arritur. Vjet realizova një sezon fantastik, me një finale të pafat, por në sport ka edhe zhgënjime. Por në sport duhet të dish të kalosh këto momente zhgënjimi.
Askush nuk do ta vërtetojë 100% se sa të lidhura janë gabimet e mia me goditjen që pësova nga Ramos në atë ndeshje. Nuk është një justifikim, por një shpjegim. Nuk e di nëse Sergio Ramos më goditi qëllimisht apo jo, por di të them që nuk më ka kërkuar kurrë ndjesë. Pas vizitës mjekësore doli se kisha një deficit në pamje, çka shpjegohen edhe këto gabime të miat. Tani luaj me Besiktas, një klub i madh, një sfidë e re për mua”, tha Karius.