Një varkë me 5.4 ton hashash është kapur në afërsi të Sicilisë në Itali, ndërsa mësohet se droga ka një vlerë prej 50 milionë euro.
Në këtë operacion ndërkombëtar, i cili erdhi pas një alarmi të lëshuar nga autoritetet franceze të anti-drogës ranë në pranga 3 shtetas turq.
Operacioni u udhëhoq nga Njësia e Policisë Financiare dhe Ekonomike, me mbështetjen e grupit ajror dhe detar të Messinës, i cili çoi në konfiskimin e lëndës narkotike.
Sipas mediave vendase, droga ishte nisur nga Maroku dhe së shpejti do përfundonte në tregjet e shitjes në gjysmën e Evropës.
