Kapen dy kilogramë marijuanë në vendkalimin kufitar të Preshevës. Doganierët, në bashkëpunim me policinë kanë gjetur në autobusin me targa të Shkupit sasinë e drogës, me destinacion Dortmundin.
Konkretisht, droga u gjet e paketuar në 4 qese,e vendosur mbi një ulëse dhe u sekuestrua pas kontrollimit të detajuar të autobusit dhe udhëtarëve.
Doganierët kishin dyshuar pasi gjatë kontrollit te dokumenteve, një udhëtar nga Prishtina kishte të falsifikuar pasaportën.
Udhëtari i dyshimtë dhe droga iu dorëzuan policisë për procedurë të mëtejshme.
