PS kërkon përjashtimin e 3 deputetëve të PD për veprimet e kryera për bllokimin e punimeve të parlamentit gjatë seancës plenare të kësaj të enjteje.
Bëhet me dije se socialistët kërkojnë përjashtimin nga punimet e parlamentit për deputetët Saimir Korreshi, Elda Hoti dhe Lindita Metaliajn.
Në letrën dërguar Kryetares së Kuvendit dhe Sekretariatit të Etikës, PS kërkon përjashtimin e deputetëve për ndezjen e tymueseve në sallë.
Sipas socialistëve deputeti Saimir Koreshi i cili ndezi tymueset, i mori ato nga çantat personale të deputeteve Elda Hoti dhe Lindita Metaliaj.
Në orën 15:00 pritet të mblidhet Sekretariati i Etikës për shqyrtimin e kërkesës.
