Kamza vazhdon të afrojë lojtarë për të vazhduar luftën në Kategorinë Superiore. Trajneri Devolli është duke i dhënë formë ekipit dhe të krijojë grupin që dëshiron. Ndërsa ditën e sotme ka bërë një afrim tjetër dhe ai është Klevis Sadiku, që vjen pas një eksperience te Kukësi B, ku ka milituar që nga Nëntori i 2016-ës.
Kamza ishte surpriza e sezonit të kaluar në Superiore, ku zhvilloi paraqitje mjaft të mira dhe arriti të sigurojë mbijetesën. Mesfushori 21-vjeçar e ka nisur karrierën tek të rinjtë e Tiranës, më pas ka luajtur edhe tek Partizanin U-19 dhe tani është gati për të bërë edhe hapin cilësor në Kategorinë Superiore.
Për këtë sezon trajneri Devolli ka ruajtur rreth 80% e grupit të futbollistëve dhe synohet sërish mbijetesa mes më të mirëve.
