Sali Gërqina, kampion i hedhjes në Kosovë, është zhdukur dje rreth orës 16:00. Mësohet se Gërqina u hodh nga bregu te Ura e Fshejtë në Gjakovë, duke mos dalë më nga uji.
Zëdhënësja e policisë në Gjakovë, Lirije Podrimaj njofton se policia ka nisur kërkimet që mbrëmë për trupin e kampionit, por ende nuk ka rezultate.
Togeri i Policisë në Gjakovë, Sejdi Dobra tha kërkimi u ndërpre gjatë natës, për të nisur sot në mëngjes nga zhytësit e Prishtinës.
Sipas Dobrës, familjarët e Gërqinës janë optimistë për gjetjen e familjarit të tyre.
