Fundjava e Formula 1 ishte e mbushur me zhgënjim dhe lot nga kampioni në fuqi Lewis Hamilton. Në shtëpinë e tij në Silverstone ai u desh të shikonte se si ngjitej në majë të podiumit rivali i tij Sebastian Vettel. Por përpos çmimit të madh, Hamilton kaloi një fundjavë fantastike me fansat e tij, ku në prova siguroi “pole position” dhe festoi me bluzën e kombëtares angleze.
Piloti i ‘Mercedez’ në “Formula 1” jo vetëm kaq, por ka deklaruar se me 15 korrik do të udhëtojë në Rusi për finalen e madhe, ku ai shpreson të luajnë ‘Tre Luanët’.
Por ish-rivali i tij kampion bote në 2016, tashmë ekspert te RTL, Nico Rosberg, e njeh mirë dhe mendon se ai e ka ekzagjeruar. Për ‘Bild’ Rosberg është shprehur: “Lewis në fakt nuk është fare tifoz futbolli. Kjo është e gjitha për “show”. Ai është fokusuar te Formula 1, dhe asgjë tjetër.”
