Kampioni botës sulmon Gjermaninë: Këta duhet të marrim shembull ne?

Eliminimi i shpejtë i Gjermanisë nga Botërori i Rusisë ka sjellë gëzim tek shumë tifozeri dhe ata që kanë gëzuar më shumë janë brazilianët. Makthet e humbjes 7-1 në 2014-ën në shtëpi nuk do të harrojnë lehtë dhe këtë e ka vërtetuar edhe ish-kampioni i botës në vitin 2002, Rivaldo. Ai ka shpërthyer me një postim në Instagram ku ngre zërin ndaj kritikëve të Brazilit dhe sulmon ata që u sugjeronin të ndiqnin stilin e lojës së Gjermanisë.“Kjo ishte ajo kombëtarja që ne duhet ta merrnim shembull dhe të reflektonim? Këta ishin ata që na bënë të shkonim në Europë për të studiuar dhe na thanë se sistemi brazilian i futbollit ishte shkatërruar? Të gjithë pas humbjes 7-1 të Brazilit u gabuat.Është e vërtetë që gjithmonë duhet të mësojmë gjëra të reja, por të gjithë ishit shumë të ashpër me profesionistët e Brazilit 4 vite më parë dhe thatë se duhet ta shkrinim futbollin. Na thatë se duhet të kishim planifikimin e kampionëve të Botës, të cilët nuk arritën këtë herë të kalonin fazën e grupeve. Më shumë respekt për brazilianët. Doni apo jo, jemi të vetmit me 5 yje në fanellë dhe meritojmë respekt”, shkroi fillimisht Rivaldo.