Gjigantët e Real Madrid janë mposhtur në mënyrë surprizë nga CSKA e Moskës në transfertën e Champions League gjithcka është vendosur nga një gol i shjtë i shënuar nga vendasit që në minutën e 2’ me anë të Nikola Vlasic. Një top i kthyer pas në mënyrë të gabuar nga Toni Kross ka shërbyer si asist për Vlasic, që nuk e shpërdoron dhuratën e mesfushorit gjerman duke mundur portierin Navas me një goditje të saktë në hyrje të zonës.
Madrilenët duken si të pafuqishëm për të reaguar në minutat e para dhe duhej pritur minuta e 24’ për të parë përpjekjen e parë të Los Blancos, me shtyllën që mohon golin Casemiro-s. Në minutat e fundit të pjesës së parë Real mund të kishte barazuar rezultatin por shtylla i mohon përsëri golin, këtë herë sulmuesit Karim Benzema.
Në fund të takimit Real mundohet me çdo mënyrë të shmangë humbjen por fati nuk është me Los Blancos teksa shtylla i ndalon edhe njëherë pas goditjes me kokë të Mariano-s. Në fund të takimit portieri Akinfeev del me karton të kuq pasi u mundua të vononte lojën. Gjithsesi nuk kishte shumë rëndësi pasi SCKA ruan avantazhin historik ndaj Real Madrid.
Ndërkohë në ndeshjen tjetër të grupit G, Roma ka fituar pa probleme ndaj Plzen me rezultatin 5-0 falë dopietës së Edin Dzeko-s dhe Under me Kluivert në të dytën. Të besuarit e Eusebio Di Francesco, pas disa javëve të vështira në kampionat dhe në Champions, duken të ringjallur dhe tashmë kanë filluar të luajnë me vetëbesimin që i karakterizoi sezonin e kaluar.
