Kamioni i përmbysur në rrugë dhe makina tërësisht e shkatërruar

Kamioni i përmbysur në rrugë dhe një automjet tërësisht i shkatërruar. Kjo është panorama e tmerrshme e aksidentit të ndodhur pak më parë në Shkodër, ku një person humbi jetën dhe tre të tjerë mbetën të plagosur.
Bëhet fjalë për shtetasit Mateo Luli, Laura luli, Hilmi Shkrelaj, të cilët mësohet se janë jashtë rrezikut për jetën dhe po marrin ndihmë mjekësore në spitalin e Shkodrës.
Ndërkohë personi i cili ka humbur jetën është identifikuar si Altin Lulo, i cili ndodhet i bllokuar brenda automjetit.
Përmbysja e kamionit në rrugë ka bllokuar edhe trafikun, ku prej një ore aksi Shkodër-Lezhë është i bllokuar për qarkullimin e mjeteve.